Pòtoprens, 30 Avril 2021 (tinouvel.com)
20 jou nan kaptivite finalman 6 otaj relijye jwenn liberasyon yo.
 |
| Monseyè Max Leroy Mésidor |
Jedi 30 avril ,Bò de zè twant di maten gwoup 400 mawozo libere 6 otaj ki te pase 20 jou nan kaptivite nan men yo nan kwadèboukè .Dapre Garry Benjamin mann selil kominikasyon kominote Pè Senjak yo , se nan baz 400 mawozo menn yon entèmedyè te al pran 4 pè yo,yon mè ak yon layik apre yon negosyasyon konplike e epuizan.
Mesye Benjamin demanti tout rimè ki tap sikile anpatikilye rimè ki te fè kwè yo te libere 4 otaj kit pa vle ale san 2 franse ,pou li menn koze sa a pat janm pale pandan negosyasyon yo.
Achevèk Pòtoprens, Monseyè Max Leroy Mésidor sou bò pa li eksprime rekonesans li bay Bondye Toupisan pou jan li te aji an favè Legliz la. Monseyè Mésidor remesye tout moun ak lot sektè ki te fasilite liberasyon otaj yo.
Pou kounye a 6 relijye yo ap resevwa swen ka yo merite.Pou reponn kesyon eske legliz katolik peye pou libere otaj yo? ,mesye Garry Benjamin deklare kategorikman legliz pap janm rantre nan lojik bay kòb pou libere yon kretyen vivan paske lavi yon moun pa gen pri men fanmi yo ka deside peye pou jwenn liberasyon pwòch li yo.
Ronald LEON
tinouvel509@gmail.com
Comments
Post a Comment