Pòtoprens, 19 Avril 2021 (tinouvel.com)
12 gwo klèb kontinantal mete tèt yo ansanm pou kreye Super lig.
Yon gwo eksplozyon tonbe nan mond foubol la dimanch 18 avril nan aswè.12 klèb sa yo Liverpool, Chelsea, Manchester City, Manchester United, Tottenham, Arsenal, Real Madrid, FC Barcelona, Atlético de Madrid, Inter Milan, AC Milan ak Juventus Turin anonse ofisyèlman yo kreye Super Lige yo menm lanse yon Sit entènèt pou konpetisyon sa a. Super Lig se yon nouvo konpetisyon Ewopeyen an ant 20 gwo klib 15 se fondatè ak 5 kalifikasyon anyèl. Li pral fè de gwoup de 10 klib chak,yap jwe antre yo ale retou a domisil ak eksteryè chak ane .
Lajan pral tonbe a gogo sou klis sa yo plis pase $ 10 milya dola revni,
Apre etap gwoup la , 4 premye nan chak gwoup yo kidonk 8 klib pral patisipe ap nan yon tounwa eliminasyon dirèk menn jan ak lig des champyon ale /retou e chak match yo ap jwe nan mitan semèn lan e tout klib yo ap kontinye jwe nan chanpyon a respektif yo nan fen semèn lan, final la ap fet sou yon teren net .Inisyate yo ajoute tou yap krye yon fon peyman Solidarite 10 milya dola pandan peryòd angajman premye fondatè yo. Peyman solidarite sa a ap fèt nan transparans konplè ak rapò piblik yo fèt Regilyèman.Pou kounye a Prezidan Real Madrid, Florentino Pérez vinn premye prezidan SuperLig sa a, bòs Juventus Turin Andrea Agnelli ak bòs Manchester United Joel Glazer se 2 Vis-prezidan an .
Depi yè, anpil vwa opoze pwojè sa a ,patikilyèman gouvènman franse, men sitou UEFA, ECA, FFF ak LFP.Bayern ak Paris St Germain pa invite pou kanpe SuperLig la .Okenn peyi nan ewòp de lès pa te envite nan SuperLig.
Ronald Leon
tinouvel509@gmail.com
Comments
Post a Comment