Pòtoprens , Samdi 19 mas la 2021 (tinouvel.com)
Ayiti-Dwa moun
San limyè ,san fenèt ,enspektè jeneral Carl Henry Boucher ap monte yon masuife nan izolaman an.
 |
| Enspektè jeneral Carl Henry Boucher |
Hans . H Boucher, gran frè enspektè jeneral Carl Henry Boucher denonse move tretman frè l ap resevwa nan lokal enspeksyon jeneral.
"Yon kacho fè nwa san limyè ,san fenèt ak yon ti matla blayi atè" men nan kondisyon PNH ap trete yon wo grade se konsa Dr Hans Boucher dekri nan ki kondisyon IG Carl Henri BOUCHER nan isolman nan lokal enspeksyon jeneral . Pandan 2 fwa IG BOUCHER pèdi konesans nan kacho saa.Dr Hansy Boucher fè konnen eta sante frè l pa twò bon e yon doktè san avi medsen fanmi an chanje medikaman tansyon frè e pa li yon lòt pou ranfòse somèy li.
Pou Mèt Jean Eugène Pierre Louis avoka Carl Henry Boucher tout dwa enspektè a vyole,kondisyon izolman pyetine entegrite fisik li e mete la vi li andanje.Li denonse kondisyon izolman enspektè a , li di mayengwen defigure tout visaj li .Li espere pou yo retire Carl Henry boucher nan izolman nan zon cho sa a ki mete kliyan lan nan plis ensekirite toujou nan delma 2.
Izolman enspektè jeneral Carl Henry Boucher nan enspeksyon jeneral louvri je sosyete a nan ki move kondisyon polisye yo ye nan gadavi nan divès komisarya nan kapital la ou byen nan vil pwovens yo.Moun kap sèvi lanasyon merite yon bon tretman nan men leta sa a kit se ti chèf ou byen gwo chèf sèl fason pou montre nap viv nan yon leta ki respekte dwa moun ak entegrite chak grenn sitwayen.
Ronald Leon
tinouvel509@gmail.com
Comments
Post a Comment