Represyon sendikal ap kontinye, komisè Gouvènman Pòtoprens mande òganizasyon Entènasyonal Polis Kriminèl (INTERPOL) pou trake e mennen vini 13 polisye

 Pòtoprens , Vandredi 26 mas 2021 (tinouvel.com)

Represyon sendikal ap kontinye, komisè Gouvènman Pòtoprens mande òganizasyon Entènasyonal Polis Kriminèl (INTERPOL) pou  trake e mennen vini 13 polisye.

 Nan yon nòt subtiti  Komisè gouvènman Quebex Jean  siyen , mande DCPJ pou denonse bay  INTERPOL plizyè polisye  li di ki se manm Fantom 509.

Komisè gouvènman  nan Tribinal Premye Enstans Pòtoprens ekri DCPJ nan dat jedi 25 mas 2021 lèt pou alète òganizasyon Entènasyonal Polis Kriminèl (INTERPOL) pou yo trake e mennen vini  13 polisye  yo sispèk ki nan gwoup Fantom 509 ,pami yo gen non Yanick Joseph, Abelson Gros Nègre, Jean Elder Lundi ak Jean Pascal Alexandre.Yo akize 13 polisye sa yo tankou moun ki ta touye moun, ta fè tantativ pou touye moun, ta sanble enplike nan zak kraze brize, mete dife nan byen prive ak piblik.

Nap raple tout 13 ofisye polis sa yo se mann fondatè Sendika polis  SPNH 17 ,gen nan yo ki pa nan  mann sendika ankò e gen lòt se mann komite egzekitif sendika a ki toujou refise yo asosye ak gwoup polisye fantom 509.

tinouvel509@gmail.com