Atansyon Danje : Men Toyota Prado nwa a.

 Pòtoprens , Madi 2 Mas 2021 (tinouvel.com)

Atansyon Danje : Men  Toyota Prado nwa a.

Abitan nan kapital ap pale yon sèl koze yon prado nwa ki  enplike nan plizyè ka  kidnapin nan Pòtoprens .Se nan yon Toyota Prado nwa kèk Nèg ame fòse enjenyè Alix Clément monte nan machin sa a jounen Madi 2 Mas nan Avenue N.Enjenyè Alix Clément se mari Minis Sante a. 

Nan menn jounen madi 2 mas sa a temwen te kontaste 2 lòt ka kidnaping  nan rejyon metwopoliten  lan.Youn bò Hotel Prince ant Ave. N ak Rue 3. Lòo la nan Rue  la montagne toujou zon Ave N. Bandi ak gwo zam  yo  tap sikile nan  2 gwo machin tout tèren,  pa aza  youn ladan yo se te Toyota Prado nwa a.

enjenyè Alix Clément 

  Toyota Prado nwa toujou la nan preske tout zak kidnapin ki fèt nan kapital la.Se li ki   te enplike nan asasina Dr Ernst Paddy ak kidnapin madam li jou dimanch  28 Fevriye .

Bandi ame  al lachas chak jou, yo touye, yo kidnape , Sendikalis nan sektè transpò yo reklame liberasyon 2 Chofè yo .

Asosyasyon Pwopriyetè ak Chofè Ayisyen yo (APCH), anonse pou komansman ane 2021 bandi ame

deja kidnape 10 Chofè pami yo Pwopriyetè estasyon gaz ak bis "Bonjour" la Jean Marc Condestin.Kidnapè yo mande yon ranson ki estime a 500 milyon dola ameriken pou yo libere li

Manm APCH  fè konnen  bandi ame gen nan men yo yon lòt Chofè yo tire nan pye li nan men ravisè  yo depi 10 jou. Yo reklame 1.5 milyon dola ameriken pou libere li  .Manm APCH ak sendikalis nan sektè transpò   yo anvisaje kanpe travay nan jou kap vini yo pou pwoteste kont zak kidnapin yo.

Ronald Leon

tinouvel509@gmail.com