Tinèg ak 2 dominiken yo toujou nan men ravisè yo:Lapolis di pat gen bakòp devan dèyè.

 Tinèg ak 2 dominiken  yo toujou nan men ravisè yo:Lapolis di pat gen bakòp devan dèyè.

Lapolis demanti enfomasyon ki ta fè kwè te gen 2 bakop PNH ki tap sekirize  flon machin Muska Films lan pandan kidnapin 3 moun nan delegasyon saa.Pòt pawòl PNH an Garry Desrosiers konfime se yon machin Nissan blan  plak sèvis leta ak endividi ak gwo zam   ki kidnape yon sitwayen ayisyen ak 2 resòtisan dominiken.Pat gen bakòp pnh ni devan ni dèyè se selman 4 polisye ki te nan delegasyon dapre Enspektè Desrosiers.Direksyon santral polis jidisyè louvri yon ankèt e DCPJ ap tande 4 polisye yo.

 Gilbert Mirambeau Jr ko fondatè ,pwodiktè ak senarist nan Muska Films  pèsite pou l di konvwa te sekirize ak 2 bakop lapolis . Nou te gen  15 machin  ,plis pase 60 moun ak 8 polisye nan delegasyon saa ki te sòti  jakmel (Sides) .Kom dabitid te gen yon bakòp devan yon bakòp dèyè selon Gilbert Mirambeau Jr sou Radio Kiskeya.Se 8 polisye li abitye travay ak yo nan lè wap tounen fim annayiti , li gen konfyans nan  8 ajan PNH sa yo ki te enkapab pou yo te reaji nan moman atak saa telman atak la te rapid .Li pale ak 3 moun  yo maten an  ki aktyèlman nan Gran Ravin ravisè mande 2 milyon dola pou libere yo .Li deja pote plent nan DCPJ.

Nan lari a plizyè etidyan ap manifeste pou egzije liberasyon Junior Albert Augusma alyas TIneg ak 2 eklerajis nan Muska Films .

Muska Films ap travay sou yon nouvo fim '' Malatchong ''.  Se Yon koprodiksyon Ayiti, Lafrans ak Kanada . Gessica Géneus se aktris prensipal fim sa a .

Pa bliye  Gilbert Mirambeau Jr se papa #kotkobpetrokaribe a.

Ronal Leon

tinouvel509@gmail.com