Apre Legliz Satan, Lil Nas X lanse yon pè tenis, "soulye Satan yo"

New York, Dimanch 4 avril (tinouvel)

 Apre Legliz  Satan, Lil Nas X  lanse yon pè tenis, "soulye Satan yo" 

Lil Nas X  ak pè tenis, "soulye Satan yo" 

Si nou potko konnen nan sosyete swadizan evolye yo, sa yo rele gwo peyi devlope yo tankou etazini, kanada ak lafrans gen yon òganizasyon relijye ki rele tèt li Legliz  Satan. Anton Lavey te fonde Legliz  Satan nan San Francisco  30 Avril 1966  .

Houraral Stanton Lavey fondatè Legliz  Satan se te yon mizisyen, yon desandan jwif ki soti nan yon fanmi rich ameriken. Apre tazini ou jwenn legliz satan okanada  satanist yo se manm tanp  satanik nan kanada di yo pa adoratè dyab la epi yo pa kwè satan se fòs  ki mal  jan tèks relijye nan  Bib la fè kwè. Olye de sa, yo wè Satan oswa Lisifè kòm yon entelektyèl éspirituèl ki opoze ak estatus quo.An oktob 2021 premye "Legliz Satan an" pral louvri pòt li nan Pari frans yo espere  jwenn 6,000 fidèl .

Eskandal pete ant NIKE ak Lil Nas X nan yon zafè pè tenis Dyab la.  

Lil Nas X ,yon rapè an kolaborasyon  ak kolektif atizan nan  MSCHF ki baze nan New York, lanse yon edisyon trè limite yon pè tenis, "soulye Satan yo", li vle vann sèlman 666 kopi. Pè tenis vann kou pate cho,chak grenn pè tenis   koute 1000 dola nan espas yon minit tout tenis satan yo fini.

  Lil Nas X fè anpil  pwovokasyon nan zafè pè tenis Satan an :  li sanble ak modèl Nike Air Max 97s yo,  li gen tout senbòl satanik yo : pentagram (zetwal  5 pwent) an kwiv la, kwa tèt anba, ak vèsè Bib  ki evoke lè Satan te  tonbe  sou latè ,pirèd nan  talon pye  soulye a gen lank wouj ki melanje ak kèk gout  san moun.Nike vekse li pote plent kont MSCHF pou kontrefason"

Gran mèt Legliz satan David Harris bat bravo pou pè tenis, "soulye Satan yo"Yon bon ou byen yon move piblisite pou Lil Nas X ,kolektif atizan nan  MSCHF ki desine pè tenis la.Pou anpil kretyen se yon move plezantri ,yon blasfèm.