Pòtoprens , Vandredi 26 mas 2021 (tinouvel.com)
A pati 5 avril ,tout machin kap antre an Ayiti, pa dwe gen anyen andedan yo.
Gouvèneman defakto deside inilateralman pou tout machin, kamyon kap rantre nan peyi a dwe vid, pa dwe gen anyen andedan l. Se yon desizyon yo di yo pran pou goumen kont zam ak minisyon kap antre ilegalnan sou teritwa nasyonal la" atravè pò yo.
Nan memorandòm ministè finans jedi 25 mas pou direktè pò, ayewopò yo, li deside pou se nan sèl pò okap ak Pòtoprens kontenè efè pesonèl yo ap dedwane,tout kontenè dwe verifye ak enspekte,machin kamyon ak lòt bay dwe rantre vid e dènye mezi a tout verifikasyon efè pesonèl dwe fèt an prezans yon enspektè,yon ajan siveyans ak yon komisyonè ladwan sepandan, mezi sa yo pa afekte dirèkteman Pò prive yo ki kontinye ap fè e defè nan sektè sa a nan tout enpinite.Se yon mezi sitou ki gen gwo konsekans sou dyaspora ki konn utilize machin,kamyon pou transpòte kèk pwodi premye nesesite ak medikaman pou fanmi yo annayiti, li pral gen gwo konsekans sitou sou travayè komèsan ak lòt moun ki viv nan komès enfòmèl atravè nan diferan pò nan peyi a tankou Sen Mak,Miragoane elatriye.
Gouvènman defakto Jovenel Moise kontinye ap sipòte oligak ekonomik ak politik ki kontinye ap fè lajan nan kontrebann nan diferan pò, ayewopò yo ,pandansetan pèp la kontinye ap viktim.
Ronald Leon
tinouvel509@gmail.com
Comments
Post a Comment